Bu gün kişi voleybolçular arasında Azərbaycan çempionatında növbəti oyun keçirilib. “Murov Az Terminal” klubu MOİK-i qəbul edib.

“Murov Az Terminal”ın İdman zalında təşkil olunan görüşə meydan sahibləri üstün başlayıb və birinci seti 25:18 hesabı ilə aktivlərinə yazıblar. Gərgin keçən ikinci hissədə isə MOİK 25:23 hesabı ilə üstün olub. Bundan sonra ev sahibi yenidən təşəbbüsü ələ keçirərək növbəti setləri qalib başa vurub - 25:8, 25:18. Beləliklə, maraqlı mübarizədə keçən matçda “Murov Az Terminal” 3:1 hesablı qələbə qazanıb.

Qeyd edək ki, bu gün keçirilən oyundan sonra “Murov Az Terminal” 18 xalla (7 qələbə) turnir cədvəlinə liderlik edir. “AZERRAIL”-in 18 (6 qələbə), “Xarı Bülbül Şuşa”nın 16 (5 qələbə), Neftçi”nin 13 (4 qələbə), “Xarı Bülbül Laçın”ın 4 xalı (1 qələbə) var. MOİK-in isə qələbəsi və xalı yoxdur.

Bu gün qadın voleybolçular arasında Azərbaycan çempionatında növbəti oyunlar keçirilib.

Günün ilk qarşılaşması “Murov Az Terminal” və “Gəncə” komandaları arasında olub. GİN-nin Voleybol Mərkəzində təşkil olunan matç “Murov Az Terminal” komandasının 3:0 hesablı qələbəsi ilə başa çatıb.

Turun növbəti oyununda isə “Milli Aviasiya Akademiyası” və UNEC komandaları üz-üzə gəliblər. UNEC-in idman zalında baş tutan görüş Vüqar Əliyevin yetirmələrinin 3:0 hesablı qələbəsi ilə bitib.

Qeyd edək ki, 10-cu turun və II dövrənin son qarşılaşması yanvarın 25-də “Abşeron” və “AZERRAIL” klubları arasında olacaq.

Bu gün 16 yaşlı və 16 yaşadək voleybolçu qızların birinciliyində növbəti oyunlar keçirilib.

13 yanvar

Oyunların nəticələri:

“İlkin klubu”- “ Murov Az Terminal”(0:2)

“Lokomotiv” - “AZERRAIL-3” (1:2)

“AZERRAIL-1” - “Xarı Bülbül Laçın” (2:0)

“Dinamo” - “AZERRAIL-4” (2:0)

“Bakı klubu” - “Zəngəzur” (0:2)

“Ryuga” - “Aura” (2:0)

Qadin voleybolçular arasında Azərbaycan çempionatında ilin ilk qarşılaşmaları baş tutub. Bu gün GİN-in Voleybol Mərkəzində 8-ci turun iki oyunu keçirilib.

İlk olaraq meydana “Abşeron” və “Milli Aviasiya Akademiyası” komandaları çıxıblar. “Milli Aviasiya Akademiyası” qarşılaşmaya daha yaxşı başlayıb və Vüqar Əliyevin yetirmələri üstünlüklərini sonadək qoruyaraq 3:0 hesabı ilə qələbə qazanıblar.

Turun növbəti oyunu isə “Murov Az Terminal” və “AZERRAIL” klubları arasında olub. Tərəflər hərəyə iki set qazandığından qalib tay-brekdə müəyyənləşib. Həlledici hissədə daha dəqiq oynayan “Murov Az Terminal” bu matçdan 3:2 hesablı qələbə ilə ayrılıb.

Qeyd edək ki, “AZERRAIL” 19 xalla turnir cədvəlinə liderlik edir. “Abşeron” 18 xalla ikinci, “Murov Az Terminal” 17 xalla 3-cü, “Gəncə” 9 xalla 4-cü, “Milli Aviasiya Akademiyası” 6 xalla 5-ci, xalı olmayan UNEC isə sonuncu pillədədir.

19 dekabr qadın voleybolçular arasında Azərbaycan çempionatında 2023-cü ilin son oyunları keçirilib.

GİN-in Voleybol Mərkəzində ilk olaraq “AZERRAIL” və “Gəncə” klubları üz-üzə gəliblər. Cengiz Akarçeşmenin yetirmələrinin üstünlüyü ilə keçən görüşdə “AZERRAIL” 3:0 hesabı ilə qələbə qazanıb.

Daha sonra meydana “Milli Aviasiya Akademiyası” və “Murov Az Terminal” komandaları çıxıblar. Bu matç da 3 set davam edib. İlin son oyununda ilk hissədən təşəbbüsə yiyələnən “Murov Az Terminal” üstünlüyünü sonadək qoruyub və 3:0 hesabı ilə qalib gəlib. Bu qarşılaşmalarla həm də 7-ci tura yekun vurulub.

Qeyd edək ki, 7 turdan sonra “AZERRAIL” 18 xalla turnir cədvəlinə liderlik edir. Eyni xali olan “Abşeron” isə ikinci yerdədir. “Murov Az Terminal” 15 xalla 3-cü, “Gəncə” 9 xalla 4-cü, “Milli Aviasiya Akademiyası” 3 xalla 5-ci, xalı olmayan UNEC isə sonuncu pillədədir.

Qadın voleybolçular arasında Azərbaycan çempionatında daha bir oyun baş tutub. Əvvəlki turlardan vaxtı dəyişdirilmiş bu qarşılaşmada "Murov Az Terminal" və "Abşeron" klubları üz-üzə gəliblər. GİN-in Voleybol Mərkəzində təşkil olunan matç gərginliyi ilə yadda qalıb. İlk iki setdə daha dəqiq oynayan "Murov Az Terminal" 2:0 irəli keçib. Eyni gerginlikdə keçən növbəti hissəni isə "Abşeron" kollektivi aktivinə yazdırıb və ümumi hesabı 2:1 edib. Lakin təşəbbüsü yenidən ələ alan "Murov Az Terminal" dördüncü setdən də qalib ayrılıb. Beləliklə, 4 hissə davam edən qarşılaşmada "Murov Az Terminal" 3:1 hesabı ilə qələbə qazanıb.

Qeyd edək ki, "AZERRAIL" və " Abşeron" 15 xalla 1-ci və 2-ci yerleri bölüşürlər. Xallarının sayını 12-yə çatdıran"Murov Az Terminal" 3-cü, 9 xalı olan "Gəncə" 4-cü, 3 xalı olan"Milli Aviasiya Akademiyası" 5-ci, xalı olmayan UNEC isə sonuncu pillədədir.

Kişi voleybolçular arasında Azərbaycan çempionatında növbəti oyunlar keçirilib.

Günün ilk qarşılaşması “Xarı Bülbül Şuşa” və MOİK komandaları arasında olub. GİN-nin Voleybol Mərkəzində təşkil olunan görüş Şuşa təmsilçisinin üstünlüyü ilə keçib. Ziya Rəcəbovun yetirmələri bu matçda 3:0 hesabı ilə qələbə qazanıblar. Ardınca meydançaya “Xarı Bülbül Laçın” və “AZERRAIL” klubları çıxıb. Bu qarşılaşmada qalib dörd setdə müəyyən olunub. Gərgin mübarizədə keçən oyundan “AZERRAIL” 3:1 hesabı ilə qalib ayrılıb.

Günün son matçında isə “Murov Az Terminal” və “Neftçi” komandaları üz-üzə gəliblər. Bu görüşdə də 3:1 hesabı qeydə alınıb. Matçın qalibi “Murov Az Terminal” komandası olub.

Beləliklə, “Xarı Bülbül Şuşa” 16 xalla turnir cədvəlinə liderlik edir. 14 xalı olan “AZERRAIL” 2-ci, 13 xalla “Murov Az Terminal” 3-cü, “Neftçi” və “Xarı Bülbül Laçın” 4 xalla 4-cü, 5-ci, xalı olmayan MOİK isə 6-cı yerdədir.

Voleybol üzrə Azərbaycan çempionatında növbəti oyunlar keçirilib. Bu gün qadınlar arasında üç, kişilərin mübarizəsində isə bir qarşılaşma baş tutub.

Günün ilk matçında “Gəncə” doğma meydanda “Milli Aviasiya Akademiyası” komandasını qəbul edib. Meydan sahiblərinin üstünlüyü ilə başlayan görüşdə qonaqlar ikinci setdə qalib gəlməklə ümumi hesabı bərabərləşdiriblər. Lakin “Gəncə” növbəti hissələri aktivinə yazdırmaqla meydandan 3:1 hesablı qələbə ilə ayrılıb.

Turun digər qarşılaşma GİN-in Voleybol Mərkəzində “Abşeron” və “Murov” klubları arasında olub. Gərgin mübarizədə keçən matçda “Abşeron” 3:1 hesabı ilə qələbə qazanıb.

Qadınların mübarizəsində növbəti görüş UNEC-lə “AZERRAIL” arasında olub. UNEC-in İdman zalında baş tutan bu oyunda “AZERRAIL” 3:0 hesabı ilə qalib gəlib.

Bu gün kişilərin çempionatında isə “Xarı Bülbül Şuşa” və “Xarı Bülbül Laçın” klubları qarşılaşıblar. GİN-in Voleybol Mərkəzində keçirilən bu matçda Şuşa komandası 3:1 hesablı qələbəyə sevinib.

Qeyd edək ki, qadınların turnir cədvəlində “Abşeron” və “AZERRAIL” klubları 15 xalla 1-ci və 2-ci yerlərdə qərarlaşıblar. Hərəyə 9 xal toplayan “Murov Az Terminal” və “Gəncə” 3-cü, 4-cü pillədə yer alır. “Milli Aviasiya Akademiyası” 3 xalla 5-ci, xalı olmayan “UNEC” isə sonuncu pillədədir.

Kişilərin turnir cədvəlində “Xarı Bülbül Şuşa” xallarının sayını 13-ə çatdıraraq liderliyi ələ keçirib. “AZERRAIL” 11 xalla 2-ci, “Murov Az Terminal” 10 xalla 3-cü, “Neftçi” və “Xarı Bülbül Laçın” 4 xalla 4-cü, 5-ci, xalı olmayan MOİK isə 6-cı yerdədir.